5 ديال لعلمات إلا بانو فتلفون ديالك عرف بلي فيه فيروس

كيف كنعرفو ان تكنولوجيا فتقدم سريع و كل ما كتطور لأجهزة و لبرامج ديال لحماية كتطور معها أيضا تقنيات الإختراق...

داكشي باش فهاد تدوينة غادي نشوفو كيفاش نعروف ان لجهاز أندرويد ديالنا ممخترقش وُ مفيهش فيروس.

1- إعلانات غير مرغوب فيها.

إلا كان تلفون ديالك أو تابلت كيبانو فيه إعلانات متطفلة وْلاَ إعلانات من نوع أخرْ كيبانو غير وْحدهوم , عْرف بلي لجهاز ديالك فيه أدوير Adware

2 - تطبيقات غير مرغوب فيها.
كيف قلت على لإعلانات , راه كينين حتى تطبيقات لي كينزلو راسهوم براسهوم كان من جوجل بلاي Google Play وْلاَ شي مركز تحميل أخر ماشي رسمي.

3 - تطبيقات لي كيطلبو تصاريح ماشي ضرورية.
كينين بعض تطبيقات لي كيبانو موثوقين ولكن فلحقيقة لا, حيت فاش كتبغي تنزل شي تطبيق كيطلب ليك تصاريح لي هو مغاديش إحتاج أصلا باش إتجسس عليك مثلا, داكشي باش دايمن خاصك تقرا أشنو كيطلب منك.

4 - تطبيقات لي كيطلبو منك تخلص واحد لمبلغ باش إتفتحوا.
ماكيناش شي شركة مشروعة قانونيا كطلب منك لفلوس باش إتفتح التطبيق.

5 - نشاط غريب فلحسابات على الانترنت.
هاد لمشكلة مكتأثرش غير على أجهزة الكمبيوتر, لبرامج لخبيثة فتلفون كتكون معقدة بزاف و تقدر تسرق لبينات ديالك.


السؤال هو كيفاش نقدر نحضي راسي؟

أفضل طريقة باش تخلي لجهاز ديالك آمن و محمي هو لأنتي فيروس جيد و أنا كنصحك ب Malwarebytes Anti-Malware,
مع بعد التدابير الوقائية.

- ماديرش رووت لجهاز ديالك
- ستخدم لPIN أو كلمة السر باش تفتح شاشة
- تحميل التطبيقات من مصادر موثوقة
- ماتخدمش بشبكات واي فاي WiFi العامة إلا كنتي غادي دير شي حاجة حساسة.
- قرا أشنو كيطلب منك التطبيق من تصاريح كيف قلت فلأول
- ماتخليش لمغلومات سرية الغير مهمة فلجهاز ديالك


رابط تحميل برنامج Malwarebytes Anti-Malware